Syrdarııa ózeninde muzǵa túsip ketken er adam qutqaryldy
QYZYLORDA. QazAqparat - «Ońtústik óńirlik aeroutqyr jedel qutqarý jasaǵy» Syrdarııa muzyna túsip ketken er adamdy qutqardy, dep habarlady QazAqparat tilshisi oblystyq TJD-ǵa silteme jasap.
Oblystyq Іshki ister departamenti Jedel basqarý ortalyǵynyń kezekshisinen eski bazar janyndaǵy Qorqyt Ata eskertkishiniń mańynda belgisiz er adam Syrdarııa ózeniniń muz betine shyqqany jóninde habar túsedi. Jasaq qutqarýshylary atalǵan meken-jaıǵa jedel shyǵyp ketedi. Syrdarııa ózeniniń jaǵalaýyna jetip, qutqarýshylar qaýipsizdik erejelerin saqtaı otyryp, Syrdarııa ózeniniń sol jaǵalaýyna ótti. Onda muz betinde jatqan er adamdy tapty. Qutqarýshylar er adamdy arnaıy qutqarý taqtaıshasynyń kómegimen oń jaǵaǵa jetkizip, polıtsııa qyzmetkerlerine tapsyrdy.
Jasaq qutqarýshylary Qyzylorda oblysy Іshki ister departamenti Jedel basqarý ortalyǵynyń kezekshisinen ýaqtyly alynǵan aqparattyń arqasynda, adam ómirin saqtap qaldy.
