Syrdarııa ózeninde qalqyp júrgen máıittiń kim ekendigi anyqtaldy
QYZYLORDA. QazAqparat - Qyzylorda oblysynda qutqarýshylar Syrdarııa ózeninde qalqyp júrgen máıitti jaǵaǵa shyǵardy, dep habarlaıdy QazAqparat tilshisi.
Belgisiz adamnyń máıiti Qarmaqshy aýdanynyń ortalyǵy Josaly kentindegi «Batys Qytaı-Batys Eýropa» tas jolynyń boıyna ornalasqan kópir mańynda tabylǵan.
«Reıdtik sharalar ótkizip júrgen tótenshe jaǵdaılar salasynyń mamandary ózen ústinen belgisiz adamnyń máıitin taýyp, ony jaǵaǵa shyǵardy», - dep málim etti oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetiniń mamany Álııa Erejepova.
Keıinnen belgili bolǵanyndaı, onyń Qarmaqshy aýdanynyń 1984 jylǵy turǵyny ekendigi anyqtaldy.
Eske salsaq , budan buryn Qyzylordada 9 jasar bala belgisiz jaǵdaıda kanalǵa batyp ketkeni habarlanǵan bolatyn.
