Syrdarııa ózenin tazartý jáne túbin tereńdetý jumysy bıyl aıaqtalady – TJM

ASTANA. QazAqparat – Syrdarııa ózeniniń qala jáne onyń mańynan ótetin 8,9 shaqyrym saǵasy tazartyldy, dep habarlaıdy QazAqparat tilshisi.

«2020 jyldan bastap Syrdarııa ózenin tazartý jáne túbin tereńdetý jobasy qolǵa alyndy. Ózenniń qaladan jáne onyń mańynan ótetin 8,9 shaqyrym saǵasy tazartyldy. Tazartý jáne tereńdetý jumysyna tapsyrys berýshi jergilikti ákimdik. Atalǵan jobany júzege asyrýǵa jaýapty merdiger kompanııa «Pavlodar ózen porty» aktsıonerlik qoǵamy. Atalǵan jumystar bıyl aıaqtalýy tıis»,- dedi TJM Tótenshe jaǵdaılardyń aldyn alý departamentiniń bastyǵy Rýstambek Amrın OKQ-de ótken baspasóz máslıhatynda.

Buǵan deıin Jaıyq ózeninde sý deńgeıi kóterilý qaýpi týraly habarlaǵan edik. TJM ókiliniń málimdeýinshe, naýryzdyń sońynda atalǵan ózen sýynyń deńgeıi 450 sm-ge deıin kóterilýi múmkin.

Aıta ketsek, Tótenshe jaǵdaılar mınıstrligi sý tasqynyna ákelip soǵatyn sebepterdi atap bergen edi.

Sondaı-aq, brıfıng barysynda 200-den astam eldi mekendi sý basý qaýpiniń seıilgeni aıtyldy.