Syrdarııa aýdanynda qarjy bóliminiń ǵımaratynan órt shyqty
ASTANA. 20 shilde. QazAqparat - Qyzylorda oblysynyń Syrdarııa aýdanyna qarasty Tereńózek aýylynda aýdandyq qarjy bóliminiń jeke turǵan ǵımaraty órtendi.
Bul aqparatty QR TJM baspasóz qyzmeti taratyp otyr.
Vedomstvonyń habarlaýynsha, tańerteńgi saǵat 8:15-te shyqqan órt 40 mınýttyń ishinde sóndirilgen. Zardap shekkender men qaza tapqandar joq. Qyzyl jalyn sharpyǵan aýmaq 390 sharshy metrdi quraıdy.
Órtti óshirýge QR TJM Qyzylorda oblystyq tótenshe jaǵdaılar departamentiniń órt sóndirý qyzmeti jeke quramynyń 25 mamany men 4 tehnıkasy jumyldyryldy.
