Syrboıylyq qos sportshy qyz álem chempıonatynyń qola júldegeri atandy
QYZYLORDA. QazAqparat - Jattyqtyrýshy Janar Dúısekenovanyń tárbıelenýshileri Gúlderaıym Almaǵanbet pen Nurǵanym Turshabek Serbııada ótken jastar arasyndaǵy Álem chempıonatynda qola júldeni ıelendi.
Bul týraly QazAqparat tilshisi oblystyq dene shynyqtyrý jáne sport basqarmasyna silteme jasap habarlady.
Qos sportshy da 1997 jyly Qyzylorda qalasynda dúnıege kelgen. Ekeýi de sambodan QR qurama komandasynyń músheleri, QR sport sheberleri, bıylǵy jylǵy Tashkentte ótken jastar arasyndaǵy Azııa chempıondary, QR Jastar sport oıyndarynyń jeńimpazdary.
Sondaı-aq, olar dzıýdo sportymen de aınalysýda. Ústimizdegi jyldyń qarasha aıynda Aqtóbede ótetin dzıýdodan QR chempıonatyna qatysady.
G. Almaǵanbet pen N. Turshabek №1 oblystyq olımpıadalyq rezervtiń mamandandyrylǵan balalar men jasóspirimder mektebinde jattyǵady.
