Syrboıylyq Arystanbek Jaqansha Azııa chempıony atandy
QYZYLORDA. QazAqparat - Japonııanyń astanasy Tokıo qalasynda aýyr atletıkadan ótip jatqan Azııa chempıonatynda Syr boıynyń ulany Arystanbek Jaqansha 69 keli salmaqta Azııa chempıony atandy, dep habarlady QazAqparat.
Arystanbek Jaqansha 1999 jyly dúnıege kelgen. Qyzylorda joǵary sport sheberligi mektebiniń túlegi. Ol ziltemirge deıin 5 jyl dzıýdo sportymen aınalysqan. Chempıonnyń jattyqtyrýshylary Arman Abdraev pen Nurjan Smahanov, dep habarlaıdy Qyzylorda oblystyq dene shynyqtyrý jáne sport basqarmasy.
Tokıo tórindegi dúbirli doda kezinde Arystanbek julqa kóterýde 128, serpe kóterýde 156 keli kóterip, qossaıys nátıjesinde 284 kelige qol jetkizip chempıon atandy. Qazaq elinen jarysqa 7 ziltemirshi qatysyp jatyr.
