«Syrbar» qyzmetiniń ókilettigi keńı túsedi - zań jobasy

ASTANA. QazAqparat - Búgin Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine syrtqy barlaý máseleleri boıynsha ózgerister men tolyqtyrýlar engizý týraly» zań jobasy maquldandy.

Zań jobasy syrtqy barlaýdyń jáne arnaýly memlekettik organdardyń sýbektileri úshin basqa memlekettik organdar men uıymdardyń qujattaryn daıyndaý, rásimdeý quqyǵyn ulttyq qaýipsizdik organdaryna bekitý normalary qarastyrylady. Budan bólek, QR Qorǵanys mınıstrliginiń áskerı barlaý organdary jáne QR Ulttyq qaýipsizdik organdaryn syrtqy barlaýdyń sýbektileri retinde aıqyndalatyn bolady. Sonymen qatar, syrtqy barlaý salasyndaǵy ýákiletti organnyń quzyreti naqtylanady.

Barlaý organdarynyń qyzmetkerleri men áskerı qyzmetshileriniń jeke basyn jedel búrkemeleý maqsatynda basqa memelkettik organdar men uıymdardyń qujatyn daıyndaý, ony rásimdeý quqyǵy ulttyq qaýipsizdik organdaryna bekitiledi.

«Jedel izdestirý qyzmetiniń sýbektilerine arnaıy jedel izdestirý is-sharalaryn tehnıkalyq júzege asyrýdaǵy ókilettikter shekteledi», - dedi QR «Syrbar» syrtqy barlaý qyzmeti dırektorynyń orynbasary Ǵabıt Baıjanov.