Syranyń saptyaıaǵymen adam óltirdi
ALMATY. 19 qyrkúıek. QazAqparat /Erbol Azanbek/ - Almatylyq dámhanalardyń birinde basyna syranyń saptyaıaǵy tıgen soqqydan adam qaza tapty, dep habarlaıdy qalalyq ІІD-i.
«Oqıǵa kúndiz bolǵan. Qaza tapqan 40 jastaǵy azamat pen A.esimdi júk tasýshy ekeýiniń arasynda janjal týyp, sońǵysy A-nyń basynan syranyń saptyaıaǵymen urǵan. Oqıǵa ornyna kelgen dárigerler jábirlenýshiniń birden ólim qushqandyǵyn anyqtady. Sottyq-saraptamalyq tekseris nátıjesinde ol jabyq bas súıek, mı jaraqatynan qaza tapqan»,- deıdi qalalyq ІІD-niń Krımınaldyq polıtsııa basqarmasynyń jeke tulǵaǵa qarsy qylmysty ashý bóliminiń bastyǵy Sabyrjan Jorabekov.
Saptyaıaqpen adam óltirgen kúdikti Taldyqorǵan qalasynyń turǵyny, buǵan deıin birneshe ret buzaqylyq pen bóten adamnyń zatyn urlaǵany úshin qylmysty bolǵan. Oǵan qazirgi kezde aıyp taǵylyp, tekserý jalǵasýda.
