Syr jastarynyń «Súıikti qalam - Astana!» atty kerýeni saparǵa shyqty - Qyzylorda
QYZYLORDA. 4 shilde. QazAqparat - Qyzylorda oblysynda «Súıikti qalam - Astana!» atty jastar kerýeni saparǵa shyqty. Ony oblystyq ishki saıasat basqarmasy men «Qyzylorda jastary» qaýymdastyǵy uıymdastyrdy.
Shara Memlekettik rámizderdiń 20 jyldyǵyn, London Olımpıadasyna oblystan qatysatyn sportshylardy jáne Astana kúnin nasıhattaýǵa arnaldy. Atalǵan jarysqa oblystan tórt sportshy attanbaq. Olardyń qatarynda aýyr atletıkadan Olımpıada chempıony, álemniń úsh dúrkin chempıony Ilıa Ilın,aýyr atletıkadan halyqaralyq dárejedegi sport sheberi, Azııa chempıonatynyń qola júldegeri, jastar arasyndaǵy Azııa chempıony Almas Óteshov, erkin kúresten álemniń qola júldegeri Dáýlet Nııazbekov, jeńil atletıkadan halyqaralyq jarystardyń jeńimpazy Vıktor Leptıkov bar.
Kerýen Aral aýdanynan bastaý aldy. Teńiz jaǵasyndaǵy aýdanda aldymen jas aqyndardyń músháırasy ótip, keshke ortalyq alańda jastar án men jyrdyń kórigin qyzdyrdy. Budan keıin qazynaly Qazaly aýdanynda «Tegin marshrýt» aktsııasy ótip, aýdannyń ortalyq alańynda merekelik kontsert qoıyldy.
Keshe kerýen shaıyrlardyń otany - Qarmaqshy aýdanynda respýblıkalyq «Bolashaq búginnen bastalady» aktsııasy aıasynda jastar men jasóspirimder arasynda fýtbol oıynyn ótkizip, keshke ortalyq alańda merekelik kontsert berdi.
Búgin shara Jalaǵashta jalǵasýda. Aýdanda «Salamatty Qazaqstan» atty aýdan jastarynyń arasynda sporttyq estafetalyq saıys ótkiziledi. Kerýen erteń Syrdarııa aýdanyndaǵy «Jalyn» tynyǵý lagerinde demalýshylardyń arasynda asfaltqa sýret salý baıqaýyn uıymdastyrady. Sharalardyń sońy merekelik kontsertterge ulasady.
Qyzylorda qalasyndaǵy merekelik dýman 6 shilde kúni ótedi. Bul kúni «Tazalyq jarshysy» atty qala jastarynyń arasynda turmystyq qaldyqtardan jasalǵan qoldanbaly óner buıymdarynyń kórmesi uıymdastyrylyp, keshke qalalyq demalys parkinde jastardyń merekelik kontserti qoıylady.
Kerýen óz jumysyn 7 shilde kúni - Jańaqorǵanda, 8 shildede Shıeli aýdanynda jalǵastyratyn bolady.
