«Syr jaryǵy» JShS-ne qaraqshylyq shabýyl jasaldy
ASTANA. 28 jeltoqsan. QazAqparat - 25 jeltoqsan kúni saǵat 5-ter shamasynda Qyzylorda qalasyndaǵy «Syr jaryǵy» JShS-ne qaraqshylyq shabýyl jasaldy, dep habarlady oblystyq ІІD baspasóz qyzmetinen.
Kúdiktilerdiń biri betperde kıip, qolyna elektroshoker ustaǵan, ekinshisi jempiriniń jaǵasyna betin jasyryp, qolyna tapanshaǵa uqsas zat alǵan.
Ǵımaratqa basa-kóktep kirgen qaraqshylar mekemeniń kassırlerin - 1990 jyly týylǵan D.A. men 1987 jyly týylǵan U.M.-dy qorqytyp, kassada arnaıy aqsha salýǵa arnalǵan qoraptyń ishinen jalpy somasy 249 myń 276 teńge aqshany alyp, qashyp ketken.
«Syr jaryǵy» seriktestigi halyqtan elektr jaryǵy úshin tólemaqy jınaýmen aınalysady. Іri kólemdegi qarjymen jumys jasap júrgenine qaramastan, ǵımarat ishinde qaýipsizdik sharalary saqtalmaǵan. Terezelerinde temir tor joq. Beınebaqylaý qondyrǵysy ornatylmaǵan. Kúzetshi qyzmeti múldem qarastyrylmaǵan. Osynyń saldarynan kúdiktilerdi der kezinde quryqtaý múmkin bolmady», - delingen habarlamada.
Vedomstvonyń atap ótýinshe, óńirde qolma-qol saýda jasaıtyn saýda oryndaryna qaraqshylyq shabýyldar jıi jasalatyn boldy. Osyǵan baılanysty oblystyq ishki ister departamenti kúzet pen qaýipsizdik sharalaryn kúsheıtýdi eskertýde.
