Syr velosportshylary Nıý-Delıde ótetin Azııa chempıonatyna joldamany jeńip aldy
QYZYLORDA. QazAqparat - Astana qalasynda velosporttan ótken Qazaqstan chempıonatynda qyzylordalyq velosportshylar 5 medal alyp, jalpykomandalyq esepte erler arasynda ekinshi oryndy ıelendi. Bul týraly QazAqparat HAA tilshisi oblystyq dene shynyqtyrý jáne sport basqarmasyna silteme jasap habarlady.
4 shaqyrymdyq komandalyq jarysta Asylhan Turar men Robert Gaıneev jeńimpaz atansa, Ǵabıden Ázen kúmis júldeni ıelendi. Omnıým saıysynda Asylhan Turar altyn medaldi jeńip alsa, toptyq jarysta Robert Gaıneev qola júldeni enshiledi.
Jarys qorytyndysynda oblystan 3 sportshy osy jyldyń 6-11 aqpan kúnderi Úndistannyń Nıý-Delı qalasynda bolatyn Azııa chempıonatyna joldama aldy.
№3 oblystyq velosporttan olımpıadalyq rezervtiń mamandandyrylǵan balalar-jasóspirimder mektebinde jáne oblystyq joǵary sport sheberligi mektebinde tálim alatyn sportshylardy jarysqa Rýslan ıAgafarov, Keńes Orazalıev jáne Jandos Mahambetov daıyndady.
