Syr saqshylary ulttyq sport túrlerinen baq synasty

QYZYLORDA. QazAqparat - Ulystyń Uly kúni  merekesi aıasynda Qyzylorda qalalyq ishki ister basqarmasy ǵımaratynyń alańynda polıtsııa qyzmetkerleri arasynda ulttyq oıyn túrlerinen jarys ótkizildi, dep habarlady QazAqparat HAA tilshisi oblystyq ІІD silteme jasap.

 Jarystyń basty maqsaty - polıtsııa  qyzmetkerleri  arasynda salaýatty ómir saltyn dáripteý, qyzmetkerlerdiń dene shynyqtyrý daıyndyǵyn joǵary deńgeıde ustaýyn qamtamasyz ete otyryp  sporttyq daıarlyǵyn kóterý bolyp tabylady.

Atalmysh sporttyq sharaǵa Qalalyq ishki ister basqarmasy qyzmetkerlerinen quralǵan 9 komanda  qatysyp, arqan tartýdan, gir kóterýden, qol kúresten baqtaryn synady. Saıysqa basqarmanyń basshylyq quramynan quralǵan tóreshiler alqasy tórelik etti. 

Tártip saqshylary arasyndaǵy birlikti, komandalyq qoldaýdy nyǵaıtýdy maqsat tutqan bul sporttyq doda óte tartysty ótti.

Sporttyq básekeniń qorytyndysy boıynsha І oryndy Krımınaldy polıtsııa bóliminiń komandasy ıelenip, jarys jeńimpazdary atandy. ІІ oryndy Anyqtaý bóliminiń quramasy qanjyǵasyna baılasa, Ýaqytsha ustaý abaqtysynyń qurama komandasy jarystyń qola júldesine ıe boldy. Jarys jeńimpazdary arnaıy dıplomdarmen marapattaldy.

Shara sońynda ishki ister organdarynyń ardagerleri men qyzmetkerlerine arnalyp merekelik dastarhan jaıylyp, ulttyq taǵam - naýryz kóje quıyldy.