Syr saqshylary Naýryz merekesine oraı saltanatty jıyn ótkizdi (FOTO)
ASTANA. QazAqparat - Kún men tún teńelip, Jer-Ana býsanyp, jaqsylyqqa jol bastaıtyn «22 naýryz - Ulystyń Uly kúni» merekesi qarsańynda qyzylordalyq tártip saqshylary merekelik jıyn ótkizdi. Bul týraly oblystyq ІІD-niń baspasóz qyzmeti habarlady.
Jıynǵa Qorqyt ata atyndaǵy Qyzylorda memlekettik ýnıversıteti Qazaqstan tarıhy kafedrasynyń aǵa oqytýshysy Amankúl Ázirbekova shaqyrylyp, departamenttiń basshy quramy men jeke quramy, ardagerleri qatysty.
Shara barysynda Amankúl Jorabekqyzy Shyǵys halyqtarynyń ortaq merekesi - Naýryzdyń shyǵý, qalyptasý tarıhy, dúnıejúzi halyqtarynda toılaý dástúri, bul meıramnyń qazaq halqy ómirinde alatyn orny týrasynda mańyzdy aqparattar berdi.
Sonymen qatar, saltanatty jıyn barysynda ishki ister organdary qataryna jańadan qabyldanǵan qyzmetkerlerge arnaýly ataqtar berý rásimi ótti.
Budan keıin jas polıtsııa qyzmetkerleri ant taryn berdi. Budan bólek, 13 naýryz kúni Naýryz meıramy qarsańynda QR ІІM-niń Qyzylorda oblysyndaǵy derbes departamentteri men bólinisteriniń qurama komandalary arasynda ótkizilgen voleıbol jarysynda úzdik oıyn órnegin kórsetken polıtsııa qyzmetkerleri marapat bıiginen kórinip, departament bastyǵy polıtsııa polkovnıgi Janat Súleımenovtiń «Gramotasymen» marapattaldy.
Sharada Qyzylorda oblystyq ІІD Ardagerler keńesiniń tóraǵasy Myltyqbaı Peısov sóz alyp, Naýryz merekesiniń qazaq halqy úshin mańyzdylyǵyn erekshe atap ótti. Sondaı-aq polıtsııa qyzmetkerleri men ardagerlerdi merekemen quttyqtap, ıgi tilegin jetkizdi. 
