Syr óńiriniń agrarlyq sektorynda eksport kólemi artady
QYZYLORDA. QazAqparat - Qyzylorda oblysynyń ákimi Qyrymbek Kósherbaevtyń tóraǵalyǵymen jobalyq basqarý boıynsha saraptamalyq keńestiń otyrysy ótti. Onda osy baǵyttaǵy jumys qorytyndylary jáne aldaǵy mindetter talqylandy, dep habarlaıdy QazAqparat tilshisi oblys ákimdigine silteme jasap.
Oblys ákiminiń orynbasary Evgenıı Kım jobalyq basqarý aıasynda ústimizdegi jyldyń alǵashqy toqsanynda atqarylǵan jumys jóninde habarlama jasady. Bazalyq ındýstrııalandyrý baǵytynda qazirgi kúni quny 359 mlrd teńgeni quraıtyn 4 jobalyq bastama júzege asyrylyp jatyr. Osy oraıda 2,7 myń jumys ornyn qurý josparlanǵan. Agroónerkásip keshenin damytý baǵyty 3 jobany qamtıdy. Olar - agroónerkásip sýbektileri úshin qarjynyń, saýda naryǵynyń qoljetimdiligi jáne eksportty damytý, otandyq aýyl sharýashylyǵy ónimderin shetel naryǵyna shyǵarý jáne jańa naryqty ıgerý.
Jyl aıaǵyna deıin kúrishti - 44, etti - 27, baqsha ónimderin - 20 jáne kúnbaǵys maıynyń eksport kólemin 5 paıyzǵa arttyrý kózdelip otyr. Investıtsııa tartý jobasy sheńberinde et kombınaty, jylyjaı, taýarly sút fermasy, kúrish zaýyty sııaqty birqatar nysannyń qurylysy júrgiziledi.
Saýda salasyn jańǵyrtý baǵytynda oblys ortalyǵynda «ArayCitýMall» saýda jáne oıyn-saýyq ortalyǵy salynyp jatyr. Keshen ústimizdegi jyldyń ekinshi jartysynda qoldanysqa beriledi dep kútilýde. Sondaı-aq, búginde qalada «Sybaǵa», «Jaına» bazarlary jańǵyrtylyp, «Qorqyt» saýda ornynyń qurylysy júrip jatyr.
«Jappaı kásipkerlikti damytý, halyqty jumyspen qamtý, ınvestıtsııa tartý baǵyttary aımaq úshin asa mańyzdy. Shaǵyn nesıelendirýge oblystyq bıýdjetten - 1 mlrd, basqa kózderden 2 mlrd teńge bólinip otyr. Jumyssyz jáne ózin ózi jumyspen qamtyǵan azamattardyń jańa bıznes ıdeıalaryn júzege asyrýy úshin 3 mln teńgege deıin qaıtarymsyz granttar beriledi», - dedi Evgenıı Kım.
Elbasy tapsyrmasyna sáıkes densaýlyq saqtaý salasyn tsıfrlyq baǵdarlamaǵa kóshirý baǵytynda aımaqta atqarylǵan is-sharalar barysyn tarazylaǵan oblystyq densaýlyq saqtaý basqarmasynyń basshysy Aqmaral Álnazarova ústimizdegi jyly turǵyndarǵa aqparattyq jáne elektrondy kómek kórsetý maqsatynda mobıldi qosymsha qoldanysqa engizilgenin atap ótti. Sondaı-aq, bul salada telemedıtsına jabdyǵy keshenin ornatý jobasy qolǵa alyndy. Jobanyń quny - 21 mln teńge. Telemedıtsına jobasynyń tıimdiligi artyp, búginde dıagnoz naqtylanyp, elektrondy emdeletinderdiń qatary artyp keledi.
Jıyn barysynda oblystyq tarıhı-mádenı mura obektileriniń 3D formattaǵy ınteraktıvti kartasyn ázirleý jobasy usynyldy. Oblystyq mádenıet, arhıvter jáne qujattama basqarmasynyń basshysy Mıra Abýovanyń aıtýynsha, joba «Tsıfrlyq Qazaqstan» jáne «Qazaqstannyń kıeli jerleriniń geografııasy» jobasy aıasynda júzege asyrylady. Búgingi kúni aımaqta 286 eskertkish bar. Onyń 30-y respýblıkalyq, 256-sy jergilikti mańyzy bar eskertkishter qatarynda. Endi mádenı mura, tarıhı eskertkishti tanyp, bilýge degen qoljetimdilik artatyn bolady. Joba boıynsha oblys kólemindegi 150 eskertkishtiń 3D formattaǵy ınteraktıvti kartasy jasaqtalady.
Oblys ákimi joba arqyly aýqymdy aýdıtorııaǵa baı tarıhymyzdy tanystyrý, mádenı muramyzdyń deńgeıin baǵalaý aıasy keńı túsetinin aıtty.
«Kóptegen mádenı mura obektilerin ıÝNESKO-nyń dúnıejúzilik mádenı muralar tizbesine engizý maqsatynda jumys júrgizip jatyrmyz. 2019 jyly bul jumystar tolyǵymen aıaqtalady. Bul rýhanı jańǵyrý jaǵynan da, ulttyq sana-seziminiń ósýine, jastardy tárbıeleý, týrızmdi damytýǵa, mádenı muramyzdy dúnıejúzine nasıhattaýǵa septigin tıizedi», - dedi oblys ákimi.
Saraptamalyq keńes otyrysynyń kún tártibindegi barlyq máseleler jan-jaqty talqylanyp, tıisti organdarǵa tapsyrmalar júkteldi.
Ádiljan Úmbet
