Syr óńirine Jambyl oblysynyń ákimi bastaǵan delegatsııa keldi
Jambyldyq delegatsııa Baıqońyr ǵarysh aılaǵyndaǵy mýzeı ekspozıtsııasy men «Gagarındik start» alańymen tanysty.
«Baıqońyr» ǵarysh aılaǵynyń ǵaryshtaný murajaıy 1965 jyldyń qańtar aıynda ashylǵan. Murajaı qurýdy akademık, zymyran-ǵarysh júıeleriniń bas konstrýktory S.P.Korolev pen polıgon basshysy K.V. Gerchık oılastyrǵan. Onda jeti kórinis zaly ornalasqan. Olardyń tórteýi ǵarysh aılaǵynyń qurylýy men damý tarıhyna, ekeýi ǵarysh aılaǵy aýmaǵyndaǵy halyqaralyq yntymaqtastyqqa arnalǵan. Al ekspozıtsııalyq zal ǵarysh salasyndaǵy mekemeler týraly aqparatty jáne Qorǵanys mınıstriniń besinshi memlekettik synaq ǵarysh aılaǵynyń tarıhyn aıqyndaıdy. Qazirgi ýaqytta murajaıda tarıhı-mádenıettik qundylyǵy bar on myńnan asa eksponat ornalasqan.
«Gagarındik start» alańy -1961 jylǵy 12 sáýirde álem boıynsha tuńǵysh ret «Vostok» ǵarysh kemesiniń bortynda pılot-ǵaryshker ıÝrıı Gagarın ushqan «Baıqońyr» ǵarysh aılaǵyndaǵy №1 iske qosý alańy. Qazir alań «Soıýz» ǵarysh kemeleriniń jáne «Progress» júk kemeleriniń ushýyn qadaǵalaıdy.
Jambyl oblysynan kelgen delegatsııa Qorqyt Ata memorıaldyq kesheninde bolyp, ondaǵy zııarat etý ortalyǵynyń jumysymen tanysty. Esterińizge sala keteıik, Qorqyt Ata memorıaldyq kesheni 2014 jyly qaıta jóndeýden ótkizilgen bolatyn. Keshenniń alańy 2,7 metrge kóterilip, ákimshilik úıiniń jańa ǵımaraty salyndy. Sonymen qatar jaıaý júrginshiler alleıasy keńeıtilip, kireberisine «Qasıetti arqar» músini qoıyldy. Búginde túrkitildes elderdiń taǵzym etetin qasıetti orny kúrdeli sáýlettik óner týyndysy retinde erekshe mańyzǵa ıe.
Aımaqtaǵy ajary kelisken Naǵı Іlııasov atyndaǵy aýyldyń áleýmettik-ekonomıkalyq jaı-kúıi de nazardan tys qalǵan joq. Jambyl oblysynyń ákimi K.Kókirekbaev memlekettik-jekemenshik áriptestikpen salynǵan aýyldaǵy ortalyq saıabaq, sport kesheni, meshit, mádenıet úıi jáne ózge de áleýmettik nysandardy aralady.
