Syr óńirinde JITS juqtyrǵandardyń 37,5 paıyzy - aýyl turǵyndary
QYZYLORDA. QazAqparat - Qyzylorda oblysynda juqtyrylǵan ımmýn tapshylyǵynyń sındromy (JITS) dertine shaldyǵýshylardyń 37,5 paıyzy - aýyl turǵyndary, dep habarlaıdy QazAqparat tilshisi.
Búginde Qyzylorda oblysynda alǵashqy JITS oqıǵasy anyqtalǵan sátten bastap osy dertti juqtyrǵan 139 adam tirkelgen. Juǵý joldary boıynsha 66 paıyzyn jynystyq qatynas arqyly juqtyrǵandar qurasa, 24 paıyzy -ınektsııalyq esirtki tutynýshylar bolyp otyr.
«Bıylǵy 10 aıda 16 adamnan AITV ınfektsııasy anyqtaldy. Onyń 8-i - er adam, 8-i - áıel. Jalpy, 94 paıyzy jynystyq qatynas arqyly juqtyrǵan. Anyqtalǵandardyń 62,5 paıyzy - qala, 37,5 paıyzy - aýyl turǵyndary. Tirkelgen naýqastardyń jartysynan kóbi áleýmettik jaǵdaıy boıynsha jumyssyz dep esepteledi», - dedi JITS-tiń aldyn alý jáne oǵan qarsy kúres jónindegi oblystyq ortalyqtyń bólim meńgerýshisi Saltanat Balyqbaeva.
Qyzylorda oblysy atalmysh dertke shaldyǵý jóninen eń tómengi orynda tur. Qazirgi tańda elimizde JITS juqtyrǵan 32 myńnan astam adam bar.
