Syr óńirinde qurylys qarqyndy júrip jatyr
QYZYLORDA. QazAqparat - Syr óńirinde ótken jyly 48 nysannyń qurylysy júrgizilip, 25 nysan paıdalanýǵa berildi. Qalǵan 23 nysan 2017 jyly aıaqtalady.
Naqty aıtqanda, bilim berý salasy boıynsha 22 nysan, densaýlyq saqtaý salasy boıynsha 14 nysan, mádenıet salasy boıynsha 3 nysannyń qurylysy júrgizilip el ıgiligine berildi. Bul týraly búgin Óńirlik kommýnıkatsııalar qyzmetinde ótken brıfıngte oblystyq qurylys, sáýlet jáne qala qurylysy basqarmasynyń basshysy M. Álserikov aıtyp berdi, dep habarlady QazAqparat HAA tilshisi.
Sport salasy boıynsha Qyzylorda qalasynda Ǵanı Muratbaev atyndaǵy stadıonnyń qosalqy alańyn qaıta jańǵyrtý qurylysy júrgizilýde. Nysan 2017 jyly paıdalanýǵa beriledi. Áleýmettik qamtamasyz etý nysandaryn salý jáne qaıta qurý boıynsha Qyzylorda qalasy Talsýat eldi mekenindegi 300 oryndyq júıke aýrýlar ınternat úıiniń qurylysy júrgizilip, paıdalanýǵa berildi. Sondaı-aq byltyr oblysta 80 kópqabatty turǵyn úıdiń qurylysy boı kóterdi.
Syrdarııa ózeniniń sol jaǵalaýyndaǵy aýmaqty damytý týraly aıtar bolsaq, 2015-2016 jyldary Qyzylorda qalasy Syrdarııa ózeniniń sol jaǵalaýyndaǵy 1532 gektar aýmaqtyń kóshe-joldary men ınjenerlik ınfraqurylymyn damytýdyń tehnıka-ekonomıkalyq negizdemeleri men sol jaǵalaýdy bekitýdiń joba-smetalyq qujattary ázirlenip, bekitildi.
Qazirgi ýaqytta memleket kepildigin alý úshin QR Ulttyq ekonomıka jáne Qarjy mınıstrlikterimen tıisti jumystar júrgizilýde.
