Syr óńirinde kúrishke oraq tústi
QYZYLORDA. QazAqparat - Qyzylorda oblysynda aımaqtyń basty daqyly - kúrishke oraq tústi. Bul shara Shıeli aýdanyndaǵy «Halyq» sharýa qojalyǵynyń alqabynda bastaldy, dep habarlaıdy QazAqparat tilshisi.
Atalmysh sharada eńbek ardageri Perdáli Arhabaev, Ekinshi Uly Otan soǵysynyń ardageri, qart maıdanger Sársenbek Baıjanov aq batasyn berdi. Nesibesin jerden tergen aǵaıynǵa tilektestigin bildirdi.
N.Bekejanov aýylyndaǵy Halyq Myhanov basshylyq jasaıtyn «Halyq» fermer qojalyǵy - aýyldaǵy birneshe usaq sharýashylyqtyń basyn biriktirip, birlese jumys jasaýdyń tıimdiligin dáleldedi. Nátıjesi de jaman emes, bıyl jalpy 1445 gektar jerge egin ekse, onyń 800 gektary - Syr marjany.
Ústimizdegi jyly Syr óńirinde 177 myń gektardan astam alqapqa egis egildi. Onyń ishinde 81 myń gektarǵa jýyǵy kúrish daqyly. Sondaı-aq, jergilikti dıqandar 296 gektar jazdyq bıdaı, 433 gektar arpa, 1027 gektar júgeri jáne tary, kókónis-baqsha daqyldaryn ekti. Byltyr 500 myń tonnadan asa kúrish salysy jınalyp, kúrish ónimdiligi gektaryna 55,3 tsentnerdi qurady. Sońǵy 5 jylda kúrish ónimdiligi gektaryna 7,6 tsentnerge artyp otyr. ıAǵnı, 2012 jyly bul kórsetkish gektaryna 47,7 tsentner bolatyn.
