Syr óńirinde agroónerkásip keshen ónimderi álemniń 19 eline eksporttalady
2017 jyly oblystyń aýyl sharýashylyǵy ónimderin eksporttaý baǵytynda keshendi marketıngtik zertteý júrgizildi. Sonyń negizinde búginde oblystyń agroónerkásip kesheniniń «Agrokartasy» júzege asyrylýda.
Qazir shetelge eksporttalatyn ónim tizbesi 3-ten 19-ǵa deıin artty. Nátıjesinde 2019 jyly eksport kólemi 7 paıyzǵa ósti. Onyń ishinde 90 paıyzy - qaıta óńdelgen ónim. Sondaı-aq, aýyl sharýashylyǵy ónimderin qaldyqsyz óńdeýge jańa tehnologııalar tartylýda.
«Áleýmettik mańyzy bar taýarlar baǵasyn turaqty ustap turýǵa turaqtandyrý qorynyń seriktes saýda jelileri arqyly qol jetkizip otyrmyz. Ótken jyldyń qorytyndysymen áleýmettik mańyzy bar azyq-túliktiń baǵa ındeksi respýblıka boıynsha bizdiń oblysta eń tómengi ósimdi (9,1%) kórsetti», - dedi oblys ákimi Qýanyshbek Ysqaqov búgin halyq aldynda esep berý kezdesýinde.
Bıyl kóktemde qalaǵa qarasty Mahanbetov aýylynda kólemi 2 gektardy quraıtyn jáne avtomattandyrylǵan jylyjaı kesheninde ósirilgen kókónistiń alǵashqy ónimi jınalady dep kútilýde. Jobanyń quny - 1 mlrd teńge. Jylyjaı ıspandyq tehnologııa negizinde jumys isteıdi.
