Syr óńirinde 8 balyq óńdeý zaýyty jumys istep tur

QYZYLORDA. QazAqparat - Qyzylorda oblysynda jyldyq qýattylyǵy 11 myń tonna bolatyn 8 balyq óńdeý zaýyty jumys jasaýda. Bul týraly oblys ákimi Qyrymbek Kósherbaev «Qazaqstan-Qyzylorda» telearnasynyń tikeleı efırinde málim etti, dep habarlady QazAqparat.

Osynyń nátıjesinde ótken jyly oblys boıynsha 7 200 tonna balyq aýlanyp, balyq ónimderiniń eksporty sońǵy tórt jylda 5 esege artqan. Elbasynyń bastamasymen qolǵa alynǵan «Syrdarııa ózeniniń arnasyn retteý jáne Aral teńiziniń soltústik bóligin saqtaý» jobasynyń birinshi bóliginiń júzege asyrylýy nátıjesinde Aral óńiriniń balyq sharýashylyǵynyń damýyna úlken múmkindikter jasalǵan. Osynyń arqasynda búgingi kúni balyqtyń 24 túri qaıta kelip, balyq aýlaý kólemi 400 tonnadan 8 myń tonnaǵa deıin ulǵaıdy.