Syr óńirinde 72 ákim saılandy
QYZYLORDA. QazAqparat- Qyzylorda oblysynyń aýdandarynda tamyz aıynyń 7-9 aralyǵynda ókilettik merzimi aıaqtalǵan 67 jáne ókilettigi merziminen buryn toqtatylǵan 5 kent pen aýyldyq okrýg ákimderin saılaý ótkizildi, dep habarlady QazAqparat.
Oblystyq saılaý komıssııasynyń tóraǵasy Abaıbek Júnisov búgin Óńirlik kommýnıkatsııalar qyzmetinde BAQ ókilderine saılaý qorytyndysyn jarııa etti.
Tóraǵanyń aıtýynsha, saılaý 4 jyl saıyn ótedi. Bıylǵy saılaýda ákimdikke usynylǵan 166 kandıdattyń 7-eýi tirkeýge deıin saılaýǵa túsýden bas tartsa, Qazaly aýdanynan 10 úmitker tirkelgennen keıin shyǵyp qalǵan.
Daýysqa 149 kandıdat túsip, onyń 72-si tańdaýshylardyń kópshilik daýysyna ıe bolyp, ákim bolyp saılandy. Osy 72 adamnyń 50-i ákimdik qyzmetke qaıta saılanyp otyr.
