Syr óńirinde 24 adam sýdyń qurbany boldy, olardyń jeteýi bala
QYZYLORDA. QazAqparat - Qyzylorda oblysynda jyl basynan beri 24 adam, onyń ishinde jeti bala sýǵa aǵyp ketti.
Bul týraly QR ІІM TJK «OÓAJQJ» MM basshysy B.Embergenov óńirlik komýnıkatsııalar ortalyǵynda ótken baspasóz máslıhatynda aıtty, dep habarlady QazAqparat.
Búgingi kúni túrli úgit-nasıhat jumystarymen qatar, jergilikti polıtsııa qyzmetimen birlesip sý jaǵasyndaǵy jappaı demalatyn oryndarda reıdter uıymdastyrylýda. Reıd kezinde QR QK 141 baby «QR QK «Balalardyń ómiri men densaýlyǵyn qamtamasyz etý boıynsha mindetterin tıisti oryndamaý» boıynsha kórsetilgen jaýapkershilik sharalary túsindirilýde.
Kóptegen sýǵa shomylýshylar qaıǵyly jaǵdaılarǵa ushyraıtynyn umytyp, ózderin basqalardan jaqsy júzetinin kórsetip, jaǵadan alysqa uzap, bıiktikten sýǵa sekirip, tereńge súńgip jatady.
Baspasóz máslıhaty barysynda sýdaǵy tótenshe jaǵdaıdyń aldyn alý úshin oblystyń barsha turǵyndaryna sýdaǵy qaýipsizdik erejelerin qatań saqtaý qajettigi, ásirese sý aıdyndarynda jáne jaǵalaýda balalardy qaraýsyz qaldyrmaý jóninde aıtyldy.
