Syr eline dári-dármek kórshiles memleketterden de jetkizilmek

QYZYLORDA. QazAqparat - Syr óńirinde medıtsınalyq mekemeler men dárihanalar jelisin dári-dármekpen qamtamasyz etý úshin tıisti sharalar qabyldanyp jatyr, dep habarlaıdy QazAqparat.

Dárilik zattarmen qamtamasyz etýdi jaqsartý maqsatynda kórshi memlekettermen qarym-qatynas ornatylyp, Ózbekstannan 150 mln teńge shamasynda dárilik zat ákelýge kelisimshart jasalýda. Reseı jáne Katar elinen kelgen dári-dármek jýyq arada aýrýhanalarǵa jáne qala men aýdan ortalyqtaryndaǵy dárihanalarǵa jetkiziledi.

Oblys tóńireginde ashylǵan ınfektsııalyq jáne provızorlyq statsıonarlarǵa qajetti dárilik zattar «SK-Farmatsııa» tarapynan berilgen ótinimge sáıkes jetkizilip jatyr.

Ambýlatorlyq jaǵdaıdaǵy dárilik zattarǵa aýrýdyń kóbeıýine baılanysty barlyq emhanalar qosymsha ótinim berdi. Atalǵan dári-dármek (QR DSM bekitilgen emdeý jáne dıagnostıkalaý hattamalaryna sáıkes antıbıotıkter) ambýlatorııalyq jaǵdaıda naqtylanǵan pnevmonııa dıagnozy qoıylǵan naýqastarǵa tegin beriledi.