Syr elinde qurylys jáne ınfraqurylym salalarynda qandaı jumys atqarylýda
Atap aıtqanda, bıyl oblys ákiminiń tapsyrmasyna sáıkes Syr óńirinde energetıka jáne turǵyn úı-kommýnaldyq sharýashylyǵy salasynda 17,3 mlrd teńgeni quraıtyn 106 joba júzege asyrylýda.
Solardyń biri Qyzylorda qalasynda kópbalaly analarǵa paıdalanýǵa berilgen Báıterek turǵyn aýdanyndaǵy turǵyn sektordyń ınjenerlik-kommýnıkatsııa ınfraqurylymyn damytýǵa 1 mlrd 060 mln teńge bólinse, Jańaqorǵan kentindegi 10/0,4 kv elektrjelilik júıeni jańǵyrtýǵa 898 mln 787 myń teńge qarastyrylǵan.
Sonymen qatar Qyzylorda qalasy men Jalaǵash, Shıeli aýdandarynda turǵyn úıdi jańǵyrtý jumystaryn júrgizýge 622 mln 160 myń teńge bólindi.
Aıta ketý kerek, Qyzylorda qalasynyń turǵyn úı qorynda 800-den astam kópqabatty turǵyn úı bolsa, sońǵy 10 jyldyń ishinde 185 kópqabatty úıge jańǵyrtý jumystary júrgizildi. Bıylǵy jyly da osy jumystardyń jalǵasy retinde oblys ortalyǵyndaǵy 11 úıge jóndeý júrgiziledi.
Sonymen qatar bıyl memlekettik bıýdjet esebinen qurylys salasynda jalpy kólemi 60,6 mlrd teńgeni quraıtyn 108 jobany júzege asyrý josparlanǵan.
Onyń ishinde oblystyq Qurylys, sáýlet jáne qala qurylysy basqarmasy arqyly – 27, Aral aýdanynda – 5, Qazaly aýdanynda - 13, Qarmaqshyda – 13, Jalaǵash pen Syrdarııada – 4, Shıelide – 5, Jańaqorǵanda – 2, Qyzylorda qalasynda 35 joba júzege asyrylmaq.
Bul jobalardyń ishinde oblystyq qan ortalyǵy, neke saraıy, mádenıet salasyndaǵy kópsalaly keshen jáne 2 oqý korpýstarynyń qurylysy bar.
Aımaq basshysy Nurlybek Nálibaevtyń tapsyrmasymen jobalardyń tıimdiligin ári sapasyn qadaǵalaıtyn arnaıy Keńes qurylyp, jumys jasap jatyr.
Bul keńestiń jumysy eń aldymen bıýdjet qarjysynyń tıimdi paıdalanýyn qadaǵalaý jáne turǵyndar úshin qajetti nysandardy salýdy kózdeıdi.
