Syr boıynda múgedekter týrnıri bolyp ótti
QYZYLORDA. Maýsymnyń 18-i. QazAqparat (Rýslan Igilik) - M.Mámetova atyndaǵy Qyzylorda gýmanıtarlyq kolledjinde tirek-qımyl músheleri zaqymdalǵan múgedekter arasynda paýerlıftıng pen armreslıngten týrnır bolyp ótti. Ony Azamattyq alıans pen «Igilik» korporatıvtik qory uıymdastyrdy.
Oblysymyzda «Jiger» qoǵamdyq birlestigi osyndaı ıgilikti isterdi atqarýǵa uıtqy bolyp keledi. Birlestik músheleriniń aıtýynsha, sport arqyly múmkindigi shekteýli azamattardyń qoǵamdaǵy óz ornyn tabýǵa múmkindigi zor.
Jarys birneshe salmaq dárejesi boıynsha ótkizildi. Olardyń arasynda úzdik kórsetkishke qol jetkizgen sportshylar jeńimpaz atandy. Atap aıtqanda, paýerlıftıngten jigitter arasynda Erbolat Álimbetov (55 kg.), Aıbek Ábjanov (65 kg.), Qaırat Quljanov (75 kg.) pen Alekseı Tsoı (85 kg.) óz salmaqtarynda chempıon atandy. Al qyzdar arasynda Kabıra Asqarova (52 kg.) men Raılıa Qorǵanbaevaǵa (60 kg.) teń kelerlik eshkim bolǵan joq.
Armreslıngten erler arasynda Muhtar Qamysbaev, Aıbek Ábjanov, Almat Manabaev, qyzdar arasynda Raılıa Qorǵanbaev, Raıhan Temirǵazıeva júldegerler qatarynan kórindi. Jeńimpazdarǵa baǵaly syılyqtar tabys etildi.
