Syr boıyna sýdan qaýip joq - Qyzylorda oblysy
QYZYLORDA. QazAqparat - Aral-Syrdarııa basseıindik sý sharýashylyǵy ınspektsııasynyń basshysy Ádilhan Qarlyhanov, oblystyq tótenshe jaǵdaılar departamenti azamattyq qorǵanys basqarmasynyń basshysy Saıd Moldaqaraev, oblystyq jumyldyrý daıyndyǵy basqarmasy basshysynyń orynbasary Ǵabıt Jańabaev qatysqan brıfıngte sý qoımalarynyń mejeden artyq tolýyn boldyrmaý úshin artyq sýdyń ózen arnasyna bosatylyp jatqandyǵy aıtyldy,dep habarlady QazAqparat HAA tilshisi.
Ol úshin Ózbekstan Respýblıkasymen arnaıy kelisim jasalǵan. Oblys aýmaǵynda áli de bolsa sýdyń mol kelýine baılanysty qala, aýdan ákimdikteri men tıisti sala qyzmetkerleri tarapynan darııanyń boıyna kezekshilik uıymdastyrylǵan. Sonymen qatar Azamattyq qyzmetteri kúsheıtilgen rejimde jumys jasap jatyr.
- Búgingi kúnge deıin Shardara sý qoımasynan tómenge sekýndyna 1 100 tekshe metr sý túsip, oblys shekarasyndaǵy Kóktóbe sý beketinen sekýndyna 1000 tekshe metr sý ótýde. Atalǵan sý beketi men Qyzylorda sý toraby aralyǵyndaǵy sý taratýshy kanaldar arqyly sekýndyna 292 tekshe metr sý aǵyzylǵan. Jańaqorǵan aýdanynyń eldi mekenderin sýdan qorǵaý maqsatynda osy aýmaqta ornalasqan 4 sý qoımasynyń jaǵdaıy qatań baqylaýǵa alynyp, táýliktik kezekshilik uıymdastyrylyp otyr. Osy oraıda aıtarymyz, Syrdarııaǵa jaqyn ornalasqan eldi mekenderdi sý basý qaýpi joq",- deıdi oblystyq jumyldyrý daıyndyǵy basqarmasy basshysynyń orynbasary Ǵabıt Jańabaev.
