«Syr boıy» jáne «Kyzylordınskıe vestı» gazetteriniń 85 jyldyǵy toılanyp jatyr
QYZYLORDA. QazAqparat - Keshe oblystyq «Syr boıy» men «Kyzylordınskıe vestı» gazetteriniń 85 jyldyq mereıtoıy - jańa kitaptardyń tusaýkeseri jáne qoǵamdyq-saıası basylym týraly syr shertetin kórmemen bastaldy. Mádenı shara Á.Tájibaev atyndaǵy oblystyq ámbebap-ǵylymı kitaphanasynda ótti.
«Syrdyń syrly shejiresi» jáne «V gazetnyh strochkah - letopıs oblastı» dep atalatyn bul kitaptardyń aıtatyny da, beretini de kóp. Atalǵan gazetterdiń redaktorlary J.Ábdiraman men T.Kasymovtar qos gazettiń tarıhynan syr shertti.
Sondaı-aq, oblystyq ardagerler keńesiniń tóraǵasy S.Shaýhamanov, «Qazaq entsıklopedııasy» bas redaktsııasy - ǵylymı-anyqtamalyq baspa mekemesiniń bas dırektory B.Jaqyp, L.Gýmılev atyndaǵy Evrazııa ulttyq ýnıversıteti jýrnalıstıka máselelerin zertteý ınstıtýtynyń dırektory N.Omashev syndy belgili qalamgerler jańa kitaptardyń tusaýkeserimen quttyqtady.
Eki gazettiń mereıtoıyna arnaıy kelgen qonaqtar saltanatty sharadan keıin qalanyń kórikti jerlerin aralady. Іs-sharalar baǵdarlamasy «Syr medıa» JShS-da jalǵasyn tapty. Ol jerde meımandardy jýrnalısterdiń jumys oryndarymen tanysty. Qonaqtar erekshe nazaryn aýdarǵan fotokorrespondentterdiń aımaqtyń qalyptasý tarıhy men kásiporynnyń damýynan syr shertetin fotolarynan daıyndalǵan kórme boldy.
Sonymen qatar, mereıtoıǵa arnaıy kelgen meımandar jańa zamanǵy tehnologııalarmen jabdyqtalǵan baspahananyń jumysymen tanysty. Qos basylymnyń mereıtoıyna arnalǵan sharalar búgin jalǵasatyn bolady.
