«Syr bolashaǵy» atty jas memlekettik qyzmetshiler klýby quryldy

 Memleketti qyzmet isteri agenttigi Qyzylorda oblysy boıynsha basqarmasynyń bastyǵy-tártiptik keńes tóraǵasy Ǵalym Tursynbaev «Syr bolashaǵy» jas memlekettik qyzmetshiler klýbynyń múshelerimen kezdesip, klýbty qurýdaǵy maqsatty túsindirdi.

Atalǵan basqarmanyń uıytqysymen qurylǵan klýb quramyna 30 jasqa deıingi qalalyq, aýdandyq ákimdik, bólim, oblystyq jáne aýmaqtyq departament, basqarma sekildi memlekettik mekemelerde jumys isteıtin memlekettik qyzmetshiler jáne memlekettik qyzmetke qabyldanǵysy keletin jastar engen.

Kezdesý barysynda Ǵ.Tursynbaev klýb jetekshiligine jas ári bilikti basshy, jastarmen jumys jasaýdaǵy tájirıbesi mol qalalyq ishki saıasat bóliminiń bastyǵy Aıdyn Qaırýllaevty usyndy. Klýb músheleri usynysty biraýyzdan qoldady.

Klýbtyń basty maqsaty - jas memlekettik qyzmetshiler arasynda qarym-qatynas ornatý, ózara pikir-almasý alańyn qalyptastyrý, memlekettik qyzmetshilerdiń azamattyq ustanymdaryn damytý úshin jaǵdaı jasaý, olardy qoǵamdyq mańyzdy sharalarǵa tartý, kásibı, iskerlik qabiletterin kórsetý úshin jaǵdaı jasaý, ýákiletti organdarǵa memlekettik qyzmetti odan ári jetildirý boıynsha usynystar berý.

Sonymen birge, klýb jas memlekettik qyzmetshilerdiń joǵary turǵan organdarda tájirıbe jınaqtaý maqsatynda taǵylymdamadan ótkizip, bilikti sala mamandary men jetekshileriniń sheberlik sabaqtaryn uıymdastyrýdy kózdeıdi.

Qazirgi tańda «Syr bolashaǵy» jas memlekettik qyzmetshiler klýbyn ádilet organdarynda qoǵamdyq birlestik retinde resmı tirkeý jumystary júrgizilýde. Klýb óziniń jarǵysyn ázirlep, is-sharalar josparyn ázirlep te úlgerdi.