«Syr Barysy» anyqtaldy
QYZYLORDA. QazAqparat - Qyzylordadaǵy «Eýrazııa» sport kesheninde 30 sáýir kúni qazaq kúresinen oblystyq «Altyn belbeý» saıysynyń aqtyq kezeńi máresine jetti. Bıyl segizinshi márte uıymdastyrylǵan aıtýly báseke jankúıerler qaýymynyń qyzyǵa tamashalaǵan sharasyna aınaldy, dep habarlady QazAqparat HAA tilshisi.
«Altyn belbeý» jarysy aıdan astam ýaqytqa sozyldy. Boz kilemdegi balýandar úsh kezeń boıynsha tórt jas deńgeıinde synǵa tústi.
1-kezeńi ár aýyldyq aımaqtarda naýryz aıynda ótkizilip, oǵan 5401 sportshy qatysty. 2-kezeńi aýdandyq, qalalyq jarystar sáýirde uıymdastyrylyp, 1521 sportshy baq synassa, 3-kezeńinde oblystyq aqtyq saıysqa 270 balýan shyqty. 3 kezeń boıynsha 7192 sportshy synǵa tústi.
Túıe palýan saıysynda 14 sportshy kúsh synasty. Olardyń arasynda qyzylordalyq Maqsat Isaǵabylov «Syr Barysy» atandy. Oǵan «Altyn belbeý» beldigi men 1 mln 300 myń teńgeniń sertıfıkaty tabystaldy.
«Syr Arlany» tıtýlyn ıelengen araldyq Nurym Sálimgereevke 700 myń teńgeniń sertıfıkaty berilse, «Syr Suńqary» - qarmaqshylyq Marat Baımahanovqa 400 myń teńgeniń sertıfıkaty tabystaldy.
2 shilde kúni Astana qalasynda QR Prezıdenti júldesi úshin ótetin «Qazaqstan Barysy» respýblıkalyq týrnırinde Qyzylorda oblysynan M.Isaǵabylov pen N.Sálimgereev oblys namysyn qorǵaıtyn bolady.
