«Synyptastar» áleýmettik jelisi jumysyn toqtatty
ASTANA. 5 sáýir. QazAqparat - Reseılik tanymal áleýmettik jelilerdiń biri - «Synyptastar» («Odnoklassnıkı») 4 sáýirdiń keshinen bastap jumysyn toqtatty.
Shamamen keshki 9-dan bastap áleýmettik jeli qoljetimsiz boldy. Paıdalanýshylarǵa tehnıkalyq jumystar týraly habarlandyrý shyǵyp otyrdy. Bul jaıynda RosBıznesKonsaltıng málimdedi.
Keıin «Synyptastardyń» baspasóz hatshysy Marııa Lapýk óziniń tvıtterdegi paraqshasynda resýrstyń isten shyǵýyna qural-jabdyqtardaǵy aqaý sebep bolǵanyn jazdy. M.Lapýk sondaı-aq serverge DDoS shabýyl jasalǵany týraly boljamdy teriske shyǵardy.
Birneshe kún buryn Rostelekom ǵalamtor-provaıderiniń bastamasymen «Synyptastar» jelisi Rıazan jáne Orlov oblystarynda jabylǵany jaıynda habarlandy. Máselen, saıtty ashý barysynda sottyń resýrsty ekstremıstik dep tanýyna baılanysty onyń jabylǵandyǵy týraly habarlanyp otyrdy. Rostelekomda atalmysh jaǵdaıdy baǵdarlamalyq aqaý retinde túsindirdi.
«Synyptastar» reseılik áleýmettik jeliler arasynda eń irilerdiń biri retinde sanalady. Onyń 150 mln.-ǵa jýyq paıdalanýshysy bar. Kúndelikti saıtty 40 mln. adam qoldanady.
