Synyptama kodtary sanyn qysqartý memlekettik organdardyń aqparattyq júıelerine júktemeni azaıtady - MKK
ASTANA. QazAqparat - Bıýdjettik synyptama kodtaryn (BSK) qysqartý memlekettik organdardyń jáne málimetter bazasynyń aqparattyq júıesine júktemeni azaıtýǵa kómektesedi, dep atap ótti QR Qarjy mınıstrligi Memlekettik kiris komıtetinde.
Bul týraly primeminister.kz jazady.
«BSK qysqarýy negizinen halyq jáne bıznes úshin kórsetiletin memlekettik qyzmetterge oń áser beredi, sondaı-aq, barlyq memlekettik organdardyń jumysyn ońtaılandyrý aqparattyq júıege júktemeni azaıtady», - delingen habarlamada.
MKK-de atap ótkendeı, biryńǵaı bıýdjettik synyptamasynyń keıbir máseleleri týraly QR Qarjy mınıstriniń buıryǵynda bıýdjettik synyptama kodtaryn qysqartý boıynsha sharalar qarastyrylǵan.
Nátıjesinde salyq jáne keden tólemderi boıynsha 208 BSK-dan 119 BSK-ǵa qysqardy. Salyqtyq tólemder boıynsha 162 BSK-dan 98 BSK-ǵa qysqardy (60,5%), 64 BSK saqtalady. Kedendik tólemder boıynsha 46 BSK-dan 21 BSK-ǵa qysqardy (45,7%), 25 BSK saqtalady.
