Syndarly sátte saılaýdy óz deńgeıinde ótkizýimiz qajet - Ámire Árin

TALDYQORǴAN. QazAqparat - Buǵan deıin ótken saıası naýqandarda joǵary belsendilik tanytqan Almaty oblysynyń jurtshylyǵy bıyl da óz tańdaýlaryn jasaýǵa bir kisideı atsalysatyndaryn jetkizýde, dep habarlaıdy QazAqparat tilshisi.

Jetisý gazetiniń bas redaktory Ámire Árin mundaı mańyzdy naýqannyń ishki birliktiń myǵymdaıtynyn da atap ótedi. Onyń paıymynsha, bıylǵy Prezıdenttik saılaýda halyqtyń belsendiligin taǵy bir márte synalmaq.
«Bizdiń birligimiz artqan saıyn, ishki tatýlyǵymyz artqan saıyn syrttyń da erekshe qadirleıtini, qurmetteıtini bar. Osy turǵydan kelgende myńdaǵan ǵasyrlyq ǵumyry bar bizdiń arǵy qazaq kóne túrikter, búgingi qazaqtar qashan da birligi bolǵan kezde, yntymaǵy artqan kezde aıdarlarynan jel esip álemge tanylǵan bolatyn. Ony «Uly dalanyń jeti qyry» degen eńbeginde Nursultan Ábishuly aıtyp ketti. Kerek dese álemge órkenıet jaıǵan halyqpyz. Olaı bolsa búgingideı syndarly sátte de saılaýdy óz deńgeıinde ótkizip, barymyzdy baǵalaýymyz qajet»,- degen pikirinin bildirdi Taldyqorǵan qalasynyń turǵyny, aqyn Ámire Árin.

Foto; taldykorgan-online.kz