Synaq merzimin óteýshi kásiporynnyń 400 myń teńgesin jymqyryp ketken
NUR-SULTAN. QazAqparat – Elordanyń 21 jastaǵy turǵyny saýda nysandaryna sýsyndar jetkizýmen aınalysatyn kásiporynda 3 kúndik synaq merziminen ótkennen keıin 400 myń teńge kólemindegi kiristi alǵan kúıi izin sýytqan, dep habarlaıdy QazAqparat Nur-Sultan qalasynyń polıtsııa departamentine silteme jasap.
«Aqsha joǵalǵanyn bilgen jumys berýshiler polıtsııaǵa júgindi. Jedel-izdestirý sharalaryn júrgizý barysynda polıtseıler elordalyq azamatty qylmys jasady degen kúdikpen ustady. Jas jigit iri kólemdegi aqshany ıemdengenin jáne ony óz qajettilikterine jumsaǵanyn moıyndady», – dep habarlady polıtsııada.
Atalǵan fakti boıynsha sotqa deıingi tergeý júrgizilip, onyń elorda aýmaǵynda osyǵan uqsas buryn jasalǵan qylmystarǵa qatysy bar-joǵy anyqtalýda.
