Symbatty boksshymyz kelesi jekpe-jegin keıinge qaldyrdy
ASTANA. QazAqparat - Qazaqstandyq kásipqoı boksshy qyz Fırýza Sháripovanyń aıqasy jaraqatyna baılanysty keıinge shegerildi, dep habarlaıdy QazAqparat tilshisi.
Bul týraly onyń menedjeri Sergeı Zavıleıskıı BAQ ókilderine bergen suhbatynda málimdedi.
Menedjerdiń aıtýynsha, Fırýzanyń kelesi aıqasy 1 sáýirge josparlanǵan. Alaıda, reseılik ıÝlııa Chernoborodovamen kezdeskenge deıin alǵan jaraqatyna baılanysty, oǵan biraz ýaqyt emdelýge týra keledi.
Sháripova reseılik boksshymen jekpe-jeginen keıin medıtsınalyq tekseristen ótken. Onda dárigerler boksshy qyzǵa 21 kún boıy judyryqtaspaýdy, ıaǵnı sparrıng ótkizbeýge keńes berdi. Endi Fırýza sharshy alańǵa 22 sáýirden keıin oralady.
Esterińizge sala keteıik, 4 naýryz kúni Balashıha jerinde Fırýza Sháripova reseılik ıÝlııa Chernoborodovamen kúsh synasyp, tóreshilerdiń biraýyz sheshimimen jeńiske jetken bolatyn.
22 jastaǵy Sháripova - Qazaqstannyń birneshe dúrkin chempıony, Azııa chempıonatynyń júldegeri.
