Symaqov pen Lorııa Ázirbaıjanda oınaýy múmkin
ASTANA. 3 jeltoqsan. QazAqparat - Fýtboldan «Qaırat» komandasynda oınaıtyn Samat Symaqov pen Davıd Lorııa keler maýsymda Ázirbaıjanda oınaýy múmkin.
Bul týraly «Alaman» habarlady.
Ázirbaıjandyq saıttardyń jazýynsha, eki fýtbolshymyz «Hazar» komandasymen bir jarym jyldyq kelisim shart jasasyp, jylyna 400 myń dollar tabys tabady.
«Hazar» komandasyn qazir Mustafa Denızlı jattyqtyrady. Bul bapker úshin Samat Symaqov jáne Davıd Lorııa jaqsy tanys. Úshtik byltyr túriktiń «Rızaspor» komandasynda birge jumys jasaǵan. Denızlı bıylǵy maýsymnan bastap, «Hazardy» jattyqtyrady. Ol jańa komandasyna tájirıbeli eki qazaqstandyqty shaqyryp otyr.
Symaqov pen Lorııa qazir resmı túrde «Qaırattyń» oıynshysy sanalady.
Alaıda bul aqparatqa baılanysty «Qaırat» komandasy naqty málimdeme jasaǵan joq.
