Syqaqshy K.Ámirbek týǵan kúnin ýnıversıtette toılady
ASTANA. 29 naýryz. QazAqparat - Búgin Lev Gýmılev atyndaǵy Eýrazııa ulttyq ýnıversıtetinde 29 naýryz - Halyqaralyq kúlki kúnine oraı belgili syqaqshy Kópen Ámirbektiń qatysýymen satıra keshi ótti.
«Kópen kele jatyr!» degen atpen el-jurttyń ezýine kúlki úıirip, belgili bolǵan syqaqshy Kópen Ámirbekti bilmeıtin adam kemde-kem. Biraq, Kópen de jumbaq. Biz bilmeıtin qyry men syry kóp. 29 naýryz - Kópen Ámirbektiń týǵan kúni. Búginde ol Paıǵambar jasyna keldi. Ustazdaryn ulaǵattap júrip, ózi de ustazǵa aınaldy», - deıdi is-sharany uıymdastyrýshysy, ýnıversıtettiń «Káýsar» mádenı-tanymdyq birlestiginiń jetekshisi Kenjeǵalı Myrjyqbaı.
Búgingi keshke Kópenniń shákirti, «Tamasha», «Terisqaqpaı», «Baýyrjan-shoý» teatrynan tálim alyp, kúlli kórermenge kúlki syılap júrgen Ulan Núsipálıev, parodıst Oljas Sydyqbek, Memlekettik syılyqtyń laýreaty Nesipbek Aıtuly, Halyq aqyny Qonysbaı Ábil jáne taǵy basqa satıra maıtalmandary qatysty.
