Syǵanaq kóshesiniń ýchaskesi tamyz aıynyń sońyna deıin jabylady
NUR-SULTAN. QazAqparat – Nur-Sultan qalasynyń Kólik jáne jol-kólik ınfraqurylymyn damytý basqarmasy PD ákimshilik polıtsııa basqarmasynyń kelisimimen «Syǵanaq kóshesinen 22 kóshesine deıin E51 kóshesin salý» jobasyn iske asyrady. Onyń barysynda Syǵanaq kóshesi ýchaskesinde ınjenerlik jelilerdi ornatý jumystary júrgiziledi, dep habarlaıdy QazAqparat elorda ákimdiginiń resmı saıtyna silteme jasap.
Jol-qurylys jumystarynyń júrgizilýine baılanysty bıyl 27-31 tamyz aralyǵynda Syǵanaq kóshesinde Tóle bı kóshesinen E-306 kóshesine deıingi aralyqta kólik qozǵalysy jabylatyn bolady.
«Qala joldarynda keptelis týdyrmas úshin elorda turǵyndary men qonaqtary qozǵalys baǵytyn aldyn ala josparlaýy qajet.
Keltirilgen qolaısyzdyqtar úshin keshirim ótinemiz jáne jóndeý jumystarynyń júrgizilýine túsinistikpen qaraýdy suraımyz», - delingen habarlamada.
