Syǵanaq qalashyǵynyń ortalyq bóligi qalpyna keltiriledi

QYZYLORDA. QazAqparat - Orta ǵasyrlyq Syǵanaq shaharynyń aýmaǵy tolyqtaı qorshaldy. Oǵan qosa Qazaqstan Respýblıkasynyń Mádenıet jáne sport mınıstrligi tarapynan Syǵanaq qalashyǵynyń soltústik-shyǵys qaqpasyn jáne ortalyq kóshesin qalpyna keltirý sharalary júrgizilýde, dep habarlaıdy QazAqparat tilshisi.

Erte kezdegi tarıhshylar Syǵanaqty «Qypshaq dalasynyń gavany» dep ataǵan. Joshy urpaqtary kezinde Syǵanaq Aq Ordanyń ortalyǵy bolyp, onda teńge soǵylǵan. Qazaq handyǵy tusynda negizgi saıası, ekonomıkalyq ortalyqtardyń biri sanaldy.

« Syr óńirinde «Qazaqstannyń kıeli jerleriniń geografııasy» jobasynyń birinshi kezeńi júzege asyryldy. Oblys kólemindegi 12 eskertkish 2017 jyldyń nátıjesimen jaryqqa shyqqan «Jalpyulttyq qasıetti nysandar», 35 nysan «Óńirlik qasıetti nysandar» kitaptaryna engizildi. Sondaı-aq, ortaǵasyrlyq Syǵanaq, Jankent, Qyshqala, Sortóbe Bábish mola, qalashyqtaryna arheologııalyq zertteýler júrgizilýde», - dedi oblys ákiminiń orynbasary Rýslan Rústemov.

Óńirlik qasıetti nysandardyń tizbesine engizilgen Syrdarııa aýdanyndaǵy Qaljan ahýn meshit-medresesin qaıta jańǵyrtý jumystary júrip jatyr.  Qazirgi tańda ortalyq «Qorqyt Ata kitaby jáne Syr boıynda týǵan oǵyz-qypshaq epostary» jáne «Syr boıynyń mádenı qundylyqtary: el ańyzdary men salt-dástúr úlgileri» atty tarıhı-tanymdyq jınaqtardy baspaǵa ázirlenýde. Aldaǵy ýaqytta «Naýaı jáne Abaı shyǵarmashylyǵy: túrkilik jáne jalpyadamzattyq rýhanı qundylyqtar kontseptsııasy» atty halyqaralyq ǵylymı-tanymdyq konferentsııa ótkiziledi dep josparlanyp otyr.