Syǵan áıel 92 jastaǵy keıýanany uıyqtatyp, 160 myń teńgesin jymqyryp ketken - Pavlodar
PAVLODAR. QazAqparat - Pavlodarda áıel 92 jastaǵy keıýananyń senimine kirip, 160 myń teńgeni qoldy etken, dep habarlaıdy pavlodarnews.kz.
ІІD-niń baspasóz qyzmetiniń málimetinshe, Pavlodar qalasynyń 92-jastaǵy turǵynyna kóshede 35-40 jastaǵy syǵan áıeli jaqyndap, onyń ulyn tanıtynyn aıtqan. -Keıin ájeıdiń nege dúkenge jalǵyz baratynyn, kimmen turatynyn surap bilgen. Esh kúdiktenbegen qarııa ulynyń tanysymyn degen adamǵa bar syryn aıtyp bergen. Balalarynyń Reseıde turatynyn bilgen soń, densaýlyǵy týraly áńgimelese otyryp, aıaǵyna massaj jasap bereıin degen usynys jasaǵan. Úıge kirgen soń, alaıaq ájeıdi dıvanǵa jatqyzyp massaj jasaǵan, sosyn 10 myń teńge aqsha suraǵan. Esh oılanbastan sóreden aqshany alyp bergen, al alaıaq aram isin jalǵastyryp, uıqyǵa ketkenshe kútken, artynan 160 myń teńge kólemindegi aqshasyn urlap ketken. Sonda biraq ájeı óziniń aldanǵanyn bilgen, - dedi baspasóz qyzmetinde.
Atalǵan fakti boıynsha sotqa deıingi tergeý bastaldy. Osy qylmysty jasaǵan kúdiktini ustaý jáne anyqtaý boıynsha is-shara júrgizilýde.
