Sybaılasy «laqtyryp ketken» tonaýshy áıel ustalyp qaldy
ASTANA. QazAqparat - Atalǵan oqıǵa AQSh-tyń Vashıngton shtatyndaǵy Everett qalasynda bolǵan. Erli-zaıyptylardyń urlyǵy úıdiń tóbesindegi beınebaqylaý kamerasyna túsip qaldy, dep xabarlaıdy QazAqparat Atlanta WSB-TV saıtyna silteme jasap.
Vıdeoda kólikten bir kelinshektiń túskenin baıqaýǵa bolady. Al onyń serigi kólikpen aqyryn qozǵala beredi. Osy kezde ury kelinshek ınternet-dúken arqyly kelgen qorapty alyp, kólikke qaraı júgiredi. Biraq úıde otyrǵan bala kútýshisi ony kórip qalyp, artynan qýa jóneledi. Ury qorapty mashınaǵa tastap úlgerse de, ózi minip kete almady. Sebebi sybaılasy oqıǵa ornynan taıyp turdy.
Telearnanyń xabarlaýynsha, bala kútýshi áıel ury kelinshekti qolǵa túsirip, on mınýtta kelgen polıtseılerge tapsyrdy.
