«Sybaılaspen syılasqannyń sazaıyn tartqyzý kerek» - respýblıkalyq basylymdarǵa sholý
ASTANA. Jeltoqsannyń 29-y. /QazAqparat/ - Qazaq aqparat agenttigi respýblıkalyq basylymdarda jeltoqsannyń 29-y, seısenbi kúni shyqqan ózekti materıaldarǵa sholýdy usynady.
«Elorda teatrynyń eńsergen bıigi». Osy taqyryppen jaryq kórgen «Egemen Qazaqstan» basylymynyń búgingi sanyndaǵy maqala elordalyq jas teatrdyń repertýary ǵajaıyp týyndymen tolyqqanyn jazypty. «Kúlásh Baıseıitova atyndaǵy ulttyq opera jáne balet teatry ártisteriniń qatysýymen Reseıdiń aıtýly horeografy ıÝrıı Grıgorovıch sahnalaǵan "Korsar" baleti Beıbitshilik jáne kelisim saraıynda ótip, álemdik klassıkanyń úzdik týyndysyn el Prezıdenti Nursultan Nazarbaev kelip tamashalady»,- deıdi basylym.
Osy basylymdaǵy «Ónerdiń qaıtalanbas sarbazy» taqyrybymen berilgen kelesi maqala Qazaqstannyń halyq ártisi, "Tarlan" syılyǵynyń ıegeri, teatr men kınoda talaı obrazdar somdaǵan Qasym Jákibaevtyń ómirine toqtalypty.
«Egemen Qazaqstan» basylymyndaǵy Qyzylorda oblystyq fılıaly tóraǵasynyń birinshi orynbasary, sybaılas jemqorlyqqa qarsy kúres jónindegi qoǵamdyq keńes tóraǵasy, "Qurmet" ordeniniń ıegeri Ólmeshan Bolatbekovpen bolǵan áńgimede irgeli uıymnyń ilgeri isteri ortaǵa salynypty. Suhbat «Partııa belsendiligi - el belsendiligi» degen taqyryppen berilgen.
***
«El Úkimeti keshe sońǵy táýlikterin sanap jatqan 2009 jyldaǵy sońǵy selektoryn ótkizdi. Bul jerde bıliktegi mundaı formattaǵy keńes - Kárim Másimov oılap tapqan «noý-haý» ekendigin aıta ketken jón, sol arqyly jyldar boıy Astana jaqqa dúrbi sala qarap, degbirsizdene habar kútken barlyq aımaq basshylary endi ár dúısenbide beınebaılanys arqyly Úkimetke «tikeleı efırde» shyǵyp, bıliktegi sheshim qabyldaýǵa qatysý múmkindigine qol jetkizdi»,- dep jazdy «Aıqyn» basylymynyń búgingi sany. Atalmysh keńestiń egjeı-tegjeıin gazettegi «Barys jyly qazaq eli úshin «Megojobalar jylyna» aınalmaq!» degen taqyryppen berilgen maqaladan oqı alasyzdar.
«Qazaqstannyń júrgizýshi kýáligin álemniń 64 eli moıyndaıdy». Osy taqyryppen berilgen «Aıqyn» gazetindegi kelesi maqala jaǵymdy jańalyqtan habardar etipti. «Birikken Ulttar Uıymynyń «Jol qozǵalysy jónindegi» Vena konventsııasynyń ratıfıkatsııalanýyna baılanysty Qazaqstanda berilgen júrgizýshi kýáligin dúnıejúziniń 64 eli moıyndaıtyn boldy»,- deıdi basylym.
Basylymnyń dástúrli «Aq sóıle» aıdarynda «Sybaılaspen syılasqannyń sazaıyn tartqyzý kerek» degen taqyryppen Memlekettik qyzmet isteri agenttigi Qyzylorda oblystyq basqarmasynyń bastyǵy Maqsut Nálibaevpen bolǵan suhbat jaryq kóripti. Suhbatta tártiptik keńes jumysy týraly, kóp kezdesetin zań buzýshylaqtar jaıynda jáne basqada ózekti máseleler tóńireginde oı órbıdi.
***
Qala merekeleri men túrli uıym, kásiporyndardyń arasynda ótkizilgen úzdik jańajyldyq bezendirýge arnalǵan konkýrs máresine jetti. Jarystan ozyp báıge alǵan jeńimpazdardy Astana qalasynyń ákimi Imanǵalı Tasmaǵambetov quttyqtap, tıesili syıaqysyn tabys etti. Kimniń baǵy jandy? Kim qandaı orynǵa ıe boldy? Anyq-qanyǵyn «Astana aqshamy» gazetiniń búgingi sanyndaǵy «Jaqsylyq joralǵysy» degen maqaladan oqı alasyzdar.
Atalmysh basylymnyń búgingi sanynda «Astana qalasynyń 2009 jyldyń qańtar-qarasha aılaryndaǵy áleýmettik-ekonomıkalyq damýynyń kórsetkishteri» berilipti.
Sondaı-aq «Astana aqshamy» basylymynyń búgingi sany Qazaqstan Respýblıkasynyń turǵyn úı qurylysynyń 2008-2010 jyldarǵa arnalǵan memlekettik baǵdarlamasyn júzege asyrý jónindegi komıssııasy usynǵan azamattardyń tizimi jarııalanǵan.
Al «Kazahstanskaıa pravda»basylymy búgingi sanynda Úkimet basshysy men Astana ákimi keshe elordanyń birqatar áleýmettik nysandaryn aralap kórgenin habarlaǵan. Gazettiń jazýynsha, Kárim Másimov pen Imanǵalı Tasmaǵambetov Elbasynyń tapsyrmasymen salynǵan, balalardyń mektepke deıingi daıarlyǵyn ótkizetin eki ortalyqty baryp kórgen. Sondaı-aq Úkimet basshysy men Ákim sońǵy on jylda birinshi ret kúrdeli jóndeý kórgen perınataldyq ortalyqtyń jaǵdaıymen de tanysqan.
Keshe «Samuryq-Qazyna» Ulttyq ál-aýqat qory jyl qorytyndysyn shyǵaryp, baspasóz máslıhatyn ótkizdi. Qor basshysy Q. Kelimbetov jýrnalısterge 2009 jyly daǵdarysqa qarsy baǵdarlama men bank sektoryn saýyqtyrý isi qalaı júrgizilgenin jáne alda qandaı jumystar turǵanyn baıandady. Bul týraly «Kazpravda», «Izvestııa Kazahstan»gazetteri jazǵan.
2010 jyldyń sáýiriniń 1-inen elimizde ındýstrııalyq -ınnovatsııalyq damý memlekettik baǵdarlamasynyń birinshi besjyldyǵynyń aıasyndaǵy jumystar bastalýy tıis. Bul týraly Úkimet basshysynyń birinshi orynbasary Ómirzaq Shókeev málimdedi, dep jazady «Izvestııa Kazahstan». Tolyǵyraq gazettiń búgingi sanynan qarańyzdar.
