Sybaılas jemqorlyqty boldyrmaý maqsatynda tyń joba qolǵa alyndy - OQO

ShYMKENT. QazAqparat - Shymkentte QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń OQO boıynsha departamenti, Sybaılas jemqorlyqqa qarsy is-qımyl ulttyq bıýrosynyń OQO boıynsha departamenti, «QR Prezıdentiniń janyndaǵy memlekettik basqarý akademııasy» respýblıkalyq memlekettik qazynalyq kásipornynyń OQO boıynsha fılıaly aǵymdaǵy jyldyń І toqsanda atqarylǵan jumystar boıynsha Óńirlik kommýnıkatsııalar qyzmetinde brıfıng ótkizdi.

 Bul jaıynda oblystyq ákimdiktiń baspasóz qyzmeti habarlady.

Brıfıng barysynda QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń OQO boıynsha departamentiniń basshysy Á.Kómekbaev óńirde alǵash ret ótkizililip jatqan «Adal jol  - chestnyı pýt» sybaılas jemqorlyqqa qarsy marafony jaıly aıtty. Marafonǵa oblystyń 15 aýdan, qalalardaǵy ákim apparattary men jergilikti atqarýshy organdardyń qoldaýymen jáne barlyq maqsatty toptardyń atsalysýymen túrli formattaǵy is-sharalar ótetin bolady. Qazirgi tańǵa marafondy Shardara, Maqtaral aýdandar ótkizip, estafetany Saryaǵash aýdany alyp otyr», - dedi ol.

Sonymen qatar, azamattarmen tyǵyz jumys júrgizip, keri baılanys ornatý maqsatynda «Qoǵamdyq baqylaý kartasy» ázirlendi. Atalǵan joba aıasynda, belgili áleýmettik jelilerde (Facebook, VK, Instagram jáne What's up, Telegram (8-775-869-21-21) jáne koll-tsentr (8 [phone]) arqyly jalpy sany 27 hat kelip túsken.

Brıfıngte oblystaǵy ádep jónindegi keńestiń jumysy, memlekettik kórsetiletin qyzmetterdiń jaǵdaıy, memlekettik qyzmettiń jaı-kúıi de nazardan tys qalmady.

Jańa júıe arqasynda aýysý tártibimen taǵaıyndaý 2000 jyldarǵa deıingi jaǵdaımen salystyrǵanda 58 ese azaıǵan.

Merıtokratııa qaǵıdaty sheńberinde ótkizilgen konkýrstar nátıjesinde 165 memlekettik qyzmetshi tómengi laýazymdardan joǵary laýazymdarǵa taǵaıyndalǵan.

2018 jyldyń 1 toqsanynda 2991 test tapsyrǵan kandıdattyń 1262-i (42,1%) testten ótken.

Sybaılas jemqorlyqqa qarsy is-qımyl ulttyq bıýrosynyń Ońtústik Qazaqstan oblysy boıynsha departamenti basshysynyń orynbasary A.Tastemirov departament boıynsha atqarylǵan jumystarǵa toqtalyp ótti.

Sondaı-aq, QR Prezıdentiniń janyndaǵy memlekettik basqarý akademııasy» respýblıkalyq memlekettik qazynalyq kásipornynyń OQO boıynsha fılıalynyń dırektory Z.Qabylbekovanyń aıtýynsha, І toqsanda jergilikti jáne aýmaqtyq organdardan 343 memlekettik qyzmetshi bilimin jetildirdi. Onyń ishinde biliktiligin  arttyrýdan 239 qyzmetshi, 104 adam qaıta daıarlaýdan ótken.