Sybaılas jemqorlyqty aldyn alý: Qyzylordalyq jastar úndeý jasady
QYZYLORDA. QazAqparat - Búgin Qyzylordada «Sybaılas jemqorlyqtyń aldyn alýdyń biryńǵaı saǵaty» ótti. Oǵan oblystaǵy barlyq bilim berý uıymdarynyń oqytýshy quramy men stýdentterdiń jáne mektepterdiń ustazdar qatysty, dep habarlaıdy QazAqparat tilshisi oblystyq bilim basqarmasyna silteme jasap.
Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi men Nazarbaev ýnıversıteti birlesip ótkizgen «Akademııalyq adaldyq turǵysynan qoǵamdyq sanany jańǵyrtý» taqyrybyndaǵy telekópir ótkizdi.
Shara barysynda «NARHOZ» ýnıversıtetiniń basshylyǵymen elimizdiń barlyq joǵary oqý oryndarynda, kolledjderde jáne orta mektepterde «Sybaılas jemqorlyqtyń aldyn alýdyń biryńǵaı saǵaty» is-sharasy ótkizý qoldaý tapqan bolatyn.
Atalǵan biryńǵaı saǵat 2015-2025 jyldardaǵy sybaılas jemqorlyqqa qarsy Strategııasy men «100 naqty qadam» Ult jospary boıynsha jáne sybaılas jemqorlyqtyń aldyn alýǵa baǵyttalǵan memlekettik saıasattyń mańyzdylyǵy men sybaılas jemqorlyqtaǵy ózekti máseleler taqyrybynda júrgizildi. 
Biryńǵaı saǵattar onlaın rejımde ótkizilip, áleýmettik jelilerde kórermenderge usynyldy. Biryńǵaı saǵat qorytyndysynda oqýshylar men stýdentter sybaılas jemqorlyqqa qarsy jastarǵa arnalǵan óz Úndeýlerin jarııalady.
