Sybaılas jemqorlyqpen kúrestiń negizgi baǵyttarynyń biri kadr saıasaty bolyp tabylady - S. Baımaǵanbetov
ASTANA. Qazannyń 30-y. QazAqparat /Quralaı Orynbekqyzy/ - Sybaılas jemqorlyqpen kúrestiń negizgi baǵyttarynyń biri kadr saıasaty bolyp tabylady.
Búgin aımaqtarmen konferentsbaılanys formatynda ótken Jemqorlyqpen kúres jónindegi respýblıkalyq qoǵamdyq keńestiń kóshpeli 11-shi otyrysynda QR Іshki ister mınıstri Serik Baımaǵanbetov osylaı dedi.
Mınıstrdiń aıtýynsha, kadrlardy irikteý, daıyndaý, olarǵa qyzmet berý jáne tárbıeleýdiń barlyq júıesi muqııat qarastyrylady. «Barlyq taǵaıyndaýlardyń biliktilik talaptaryna sáıkes júzege asýyna basa nazar aýdarylady. Bizdiń kadrlyq saıasatymyz ashyq. Keleshekte quqyq qorǵaý organdaryna qyzmetkerlerdi qabyldaýdy konkýrstyq negizde ótkizýdi jón kórip otyrmyz», dep atap ótti mınıstr.
Sonymen birge, S.Baımaǵanbetov polıtsııa qyzmetkerleri arasynda sybaılas jemqorlyqtyń júzege asýyna qatysy bar azamattardyń is-áreketin áshekereleý jónindegi maqsatty sharalar da qolǵa alynyp jatqandyǵyn atap kórsetti. «Polıtseılerge para berýdiń 100-den astam faktisi anyqtaldy. 60-qa jýyq qylmystyq is qozǵaldy. Aldyn alý maqsatynda atalǵan faktiler BAQ arqyly jurtshylyq nazaryna jetkizilýde», dedi ol.
