Sybaılas jemqorlyqpen kúreste jýrnalıstik zertteýge erekshe mán berilmek
«Negizi baǵyttar – sybaılas jemqorlyq táýekelderin anyqtaý men joıý, jemqorlyqqa qarsy mádenıetti nyǵaıtý, kvazımemlekettik sektorda komplaens qyzmetterdi kúsheıtý. Memlekettik organdardyń maqsaty – olardy barlyq deńgeıde tıimdi júzege asyrý, ıaǵnı qalalar men aýyldardy da tolyqtaı qamtý. Ol úshin árbir memlekettik organda jobalyq keńseler qurylǵan, olar arqyly qoǵamdy jumyldyra otyryp «Adaldyq alańy» qyzmeti jalǵasady. Bul turǵyda, eń bastysy – seriktestik, ashyqtyq ustanymynda ózara is-qımyl jasaý. Osy arqyly, bazalyq sybaılas jemqorlyqqa qarsy baǵyttar boıynsha mınıstrlikter men ákimdikterdiń jumysyn úılestirip, memlekettiń jemqorlyqqa qarsy saıasatyn júrgizemiz. Olardyń barshasyna maqsatty ındıkatorlardy daıarladyq. Óńirlerde solardyń vedomstvolarynda arnaıy taǵaıyndalǵan qyzmetkerler atalǵan ındıkatorlarǵa qol jetkizetin bolady. Bul rette antıkorrýptsııalyq komıssarlar eskerilgen. Olar qoǵam ókilderimen birlese jumys isteıtin bolady», - dedi Marat Ahmetjanov.
Sonymen qatar agenttik basshysy sybaılas jemqorlyqqa qarsy is-qımylda buqaralyq aqparat quraldaryna erekshe mán berilip otyrǵanyn aıtty.
«Batys elderinde buqaralyq aqparat quraldarynda jarııalanǵan sybaılas jemqorlyq faktileri týraly bir ǵana maqalanyń ózi tıisti tekserý úshin sebep bolady. Sondyqtan jýrnalıstik zertteý ınstıtýtyn engizip, jýrnalıster quqyqtaryn qorǵaýdyń zańnamalyq shegi men kepildikterin bekitý usynylady», - dedi M. Ahmetjanov.
