Sybaılas jemqorlyqpen kúreske 70 myń volonter tartylǵan

NUR-CULTAN. QazAqparat – Sybaılas jemqorlyqqa qarsy kúres agenttiginiń jeke quramy apparat basshysy Qýanysh Japaqov vedomstvonyń jeke quramy týraly málimet berdi, dep habarlaıdy QazAqparat tilshisi.

L.N. Gýmılev atyndaǵy Eýrazııa ulttyq ýnıversıtetinde ótken semınar keńeste Qýanysh Japaqovqa sarapshylar Sybaılas jemqorlyqqa qarsy qyzmet PR-men kóp áýestenip ketti degen eskertý aıtty.

Óz kezeginde agenttik ókili qoǵammen baılanysty jumystyń kóbi eriktilerdiń kúshimen atqarylyp jatqanyn eske saldy.

«Búginde sybaılas jemqorlyqqa qarsy qyzmettiń mindetine jemqorlyqqa qarsy mádenıet qalyptastyrý baǵyty da kiredi. Eger salystyryp qarasaq, bizdiń qyzmettiń jeke quramynyń 80 paıyzy naqty korrýptsııanyń jolyn kesýge jumys isteıdi. Jeke quramnyń tek 20 paıyzy ǵana parasat departamenti men profılaktıkalyq qyzmetke jumyldyrylǵan», - dedi agenttiktiń apparat basshysy.

Qýanysh Japaqov Eýropanyń keı elderinde jemqorlyqpen kúres qyzmet qýdalaýdan góri aldyn alýǵa kóp mán beretinin, keleshekte bizde de sondaı tendentsııa qalyptasýy kerektigin atap ótti.

«Halyqaralyq qoǵamdastyq ta jemqorlyqtyń tek repressııalyq sharalarmen eńserý múmkin emes ekenin aıtýda. Sondyqtan da biz aldyn alý máselesine úlken mán berip otyrmyz. Mysaly, Avstrııada aldyn alý jáne qýadalaý sharalarynyń paıyzdyq qatynasy bizdegige qarama-qaıshy. ıAǵnı, 80 paıyzy aldyn alýǵa, tek 20 paıyzy jemqorlyqty qýdalaýǵa jumys isteıdi. Biz de birtindep osylaı qaraı jyljýymyz kerek. Onyń ústine profılaktıkalyq jumystyń basym bóligin qoǵamdyq uıymdar arqyly iske asyryp otyrmyz. Qazir bizben birge 70 myńnan astam erikti jumys istep júr», - dedi agenttik ókili.

Eske salsaq, atalmysh semınarda «Jańarý» RQB tóraǵasy Oralbaı Ábdikárimov bilim basqarmalarynyń pandemııa kezinde qandaı jemqorlyqqa barǵanyn aıtqan bolatyn.