Sybaılas jemqorlyqpen kúres jumystaryn qaıta qurý kerek - Prezıdent

NUR-SULTAN. QazAqparat – Qoǵam memorgannyń jumysynda tıisti ońtaıly ózgerister bolǵanyn kórýi tıis. Bul týraly sybaılas jemqorlyqqa qarsy kúres máseleleri jónindegi keńeste Memleket basshysy Qasym-Jomart Toqaev málim etti, dep habarlaıdy QazAqparat tilshisi.

Prezıdenttiń aıtýynsha, adamdar sheneýnikti nemese qandaı da bir basshysynyń jaýapkershilikke tartylýy jaǵdaıymen qatar, olar qyzmet etken memorgannyń jumysynda tıisti ońtaıla ózgerister bolǵanyn kórýi tıis. ıAǵnı osyndaı ózgerister sybaılas jemqorlyq sııaqty teris áreketterdiń qaıtalanbaýyna yqpal etýi kerek.

Memleket basshysy keshendi ári aldyn alý jumystary tıisti deńgeıde emestigin atap ótti.

«Іndettiń taralýy kezinde dári-dármektiń tapshylyǵynan keıin medıtsınadaǵy sybaılas jemqorlyqty tekserip, anyqtaı bastady. Ondaǵan mıllıard teńge jumsalǵannan keıin osy saladaǵy tsıfrlandyrý kezindegi kemshilikter jaıynda qazir aıtylyp otyr. Qazirgi kezde bilim berý, jumyspen qamtý ári áleýmettik nysandarǵa qomaqty qarajat bólýdemiz», - dedi Qasym-Jomart Toqaev.

Osy oraıda Prezıdent bul salalarda qarajat jymqyrý jaǵdaılarynyń bolmaıtynyna kepildik jasalýy kerektigin jetkizdi.

«Bul baǵyttaǵy jumysty túbegeıli qaıta qurý kerek dep paıymdaımyn. Búginde memleket pen azamattardyń kúsh-jigerin biriktiretin ýaqyt keldi. Sybaılas jemqorlyq – ol tereńde jatqan áleýmettik indet. Ony jalpy kúsh-jigermen ǵana jeńe alamyz. Qoǵamdyq baqylaýdyń jańa formalary jáne basqarýshylyq sheshimderdiń barynsha ashyqtyǵy kerek», - dedi Prezıdent.