Sybaılas jemqorlyqpen kúres jónindegi respýblıkalyq qoǵamdyq keńes tóraǵasy O.Ábdikárimov azamattardy aryz, shaǵymdary boıynsha qabyldady
ANA. 22 sáýir. QazAqparat /Aıdar Ospanalıev/ - Búgin «Nur Otan» HDP janyndaǵy Sybaılas jemqorlyqpen kúres jónindegi respýblıkalyq qoǵamdyq keńes tóraǵasy Oralbaı Ábdikárimov azamattardy aryz, shaǵymdary boıynsha qabyldady.
Esterińizge sala keteıik, Sybaılas jemqorlyqpen kúres jónindegi respýblıkalyq qoǵamdyq keńestiń basty maqsaty - azamattardyń ótinishteri men shaǵymdaryn qaraý. Jyl basynan beri atalmysh keńeske turǵyndardan 300-ge jýyq ótinish kelip túsken. Olar negizinen sheneýnikterdiń shekten shyǵyp, oıyna ne kelse sony isteý, qyzmet ókilettigin asyra paıdalaný sııaqty zańsyzdyqtarmen baılanysty.
Qoǵamdyq keńes osy máselelerdi quzyrly organdarǵa joldap, olardyń oń sheshimin tabýyna yqpal etedi. Keıbir máseleler qoǵamdyq keńes músheleriniń qabyldaýy kezinde-aq sheshilip jatady.
Búgin Oralbaı Ábdikárimov óz ótinishteri boıynsha 7 adamdy qabyldady. Olardyń basym bóligi quqyq qorǵaý organy men elordadaǵy memlekettik organ qyzmetkerleriniń zańsyz áreketterine baılanysty boldy. Qoǵamdyq keńes tóraǵasy azamattardyń ótinishterin tyńdaı kele, olardy tıisti sheshim qabyldaý úshin quzyrly organdarǵa joldady.
