Sybaılas jemqorlyqpen kúres: Pavlodarda «Qazposhta» AQ dırektorynyń orynbasary sottaldy

PAVLODAR. QazAqparat – Bıylǵy 5 shildede Pavlodar qalasy sotynyń úkimimen «Qazposhta» AQ oblystyq fılıaly basshysynyń orynbasary para alǵany úshin sottaldy.

Bul týraly QazAqparat QR Sybaılas jemqorlyqqar qarsy is-qımyl agenttiginiń Pavlodar oblysy boıynsha departamentiniń baspasóz qyzmetine silteme jasap habarlaıdy.

Ol fılıaldyń avtosharýashylyǵy aýmaǵynda avtomobıl boksynyń shatyryn jóndeý boıynsha oryndalǵan jumystardyń aktilerine qol qoıǵany úshin merdiger uıym ókilinen 2 mln teńge somasynda para aldy.

Sottalǵan adamǵa memlekettik qyzmette, jergilikti ózin-ózi basqarý organdarynda, qarjy uıymdarynda jáne kvazımemlekettik sektorda laýazymdardy atqarý quqyǵynan ómir boıyna aıyra otyryp, 3 jyl bas bostandyǵynan aıyrý túrindegi jaza taǵaıyndaldy.

Sot úkimi zańdy kúshine engen joq.