Sybaılas jemqorlyqpen kúres qyzmetine ákimshilik is qozǵaý quqyǵy berildi

NUR-SULTAN. QazAqparat - 5 sáýirden bastap Sybaılas jemqorlyqqa qarsy qyzmetke Ákimshilik quqyq buzýshylyqtar týraly kodekstiń keıinirek sottar qaraıtyn 15-baby boıynsha hattamalar jasaý arqyly ákimshilik is qozǵaý quqyǵy berildi, dep habarlaıdy QazAqparat agenttiktiń baspasóz qyzmetine silteme jasap.

Onyń ishinde 6 sybaılas jemqorlyq baptary (ÁQBtK 676-681-baptary), kásipkerlik qyzmet salasyndaǵy 2 quram jáne (ÁQBtK 154, 173-baptary) memlekettik bılik ınstıtýttaryna qol suǵatyn jáne ákimshilik nemese qylmystyq protses júrgizý kezindegi buzýshylyqtarǵa baılanysty 7 quqyqbuzýshylyq (ÁQBtK 658-662, 665, 667-baptary) bar», - delingen agenttik habarlamasynda.

Qabyldanyp jatqan sharalardyń nátıjesinde 17 mamyrdaǵy jaǵdaı boıynsha 42 ákimshilik hattama jasalǵan, onyń ishinde 34 hattama sybaılas jemqorlyq quqyqbuzýshylyqtarǵa baılanysty. Olardyń arasynda: 676-bap - «Jeke tulǵalardyń zańsyz materıaldyq syıaqy berýi» boıynsha 14 is, 681-bap - «Buryn sybaılas jemqorlyq qylmys jasaǵan adamdardy jumysqa qabyldaý» boıynsha 10 is bar.

Odan bólek, 677-bap - «Memlekettik fýnktsııalardy oryndaýǵa ýákilettik berilgen adamnyń nemese oǵan teńestirilgen adamnyń zańsyz materıaldyq syıaqy alýy» jáne 680-bap «memlekettik organdar basshylarynyń sybaılas jemqorlyqqa qarsy is-qımyl jónindegi sharalardy qabyldamaýy» da bar.

Onyń ishinde 6 Sybaılas jemqorlyq baby (ÁQBtK-niń 676-681-baptary) boıynsha

41 tulǵa ákimshilik jaýapkershilikke tartyldy, onyń ishinde 5-eýi oblystyq mańyzy bar basshylar, úsheýi - aýdandyq jáne bireýi – qalalyq basshy.

Kóp jaǵdaıda ákimshilik jaýapqa jergilikti atqarýshy organdardyń - 19, sondaı-aq memlekettik organdardyń – 6 jáne quqyq qorǵaý organdarynyń –1 qyzmetkeri men jumyskerleri tartyldy.

«Mysaly, ÁQBtK-niń 681-babyna sáıkes buryn sybaılas jemqorlyq quqyqbuzýshylyq jasaǵan adamdardy jumysqa qabyldaý faktileri boıynsha Batys Qazaqstan oblysynyń sport jáne dene shynyqtyrý basqarmasynyń basshysy Esendııarov, Aqmola oblysynyń týrızm basqarmasynyń basshysy Ǵabdýllın, Aqtóbe oblysy Hromtaý aýdanynyń Mádenıet jáne tilderdi damytý bóliminiń basshysy ıAken ákimshilik jaýapqa tartyldy. Olardyń bárine 50-den 100 AEK-ke deıin ákimshilik jaza taǵaıyndaldy», - dep habarlady agenttik.

Sybaılas jemqorlyqqa qarsy qyzmettiń ákimshilik materıaldary boıynsha, jalpy 159,2 mln teńge aıyppul salynǵan, 154,3 mln teńge óndirilgen.